நண்பனை கட்டையால் அடித்து கொலை செய்த நபரை காவல்துறையினர் கைது செய்துள்ளனர்.
வேலூர் மாவட்டத்தில் உள்ள கிளிதான்பட்டரை கிராமத்தில் லாரி ஓட்டுநரான ராமன் என்பவர் வசித்து வந்துள்ளார். இவர் தனது நண்பரான செல்வம் என்பவருடன் சேர்ந்து மது குடித்துள்ளார். அப்போது ராமன் செல்வத்திடம் தகராறு செய்துள்ளார். இதனால் ஆத்திரமடைந்த செல்வம் ராமனை கட்டையால் சரமாரியாக தாக்கியுள்ளார்.
இதில் படுகாயம் அடைந்த ராமனை அருகில் இருந்தவர்கள் மீட்டு சிகிச்சைக்காக அரசு மருத்துவமனையில் அனுமதித்தனர். ஆனால் அங்கு அளிக்கப்பட்ட சிகிச்சை பலனின்றி ராமன் பரிதாபமாக உயிரிழந்து விட்டார். இதுகுறித்து ராமனின் உறவினர்கள் காவல் நிலையத்தில் புகார் அளித்துள்ளனர். அந்த புகாரின் பேரில் வழக்குப்பதிவு செய்த காவல்துறையினர் செல்வத்தை கைது செய்து தீவிர விசாரணை மேற்கொண்டு வருகின்றனர்.