மோட்டார் சைக்கிள் மீது லாரி மோதிய விபத்தில் விவசாயி உயிரிழந்த சம்பவம் சோகத்தை ஏற்படுத்தியுள்ளது
தஞ்சாவூர் மாவட்டத்தில் உள்ள பாபநாசம் பகுதியில் விவசாயியான வெற்றிவேல் என்பவர் வசித்து வருகிறார். இவர் தனது நண்பரான விக்னேஷ் என்பவருடன் சேர்ந்து கங்களாஞ்சேரி சாலையில் மோட்டார் சைக்கிளில் வந்து கொண்டிருந்தார். அப்போது அவ்வழியாக வந்த லாரி நிலைதடுமாறி வெற்றிவேலின் மோட்டார் சைக்கிள் மீது பலமாக மோதியது.
இந்த விபத்தில் படுகாயம் அடைந்த வெற்றிவேலை அருகில் இருந்தவர்கள் மீட்டு சிகிச்சைக்காக தனியார் மருத்துவமனையில் அனுமதித்தனர். ஆனால் அங்கு அளிக்கப்பட்ட சிகிச்சை பலனின்றி வெற்றிவேல் பரிதாபமாக உயிரிழந்து விட்டார். இதுகுறித்து விக்னேஷ் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் லாரி ஓட்டுநரான சக்தியை கைது செய்து தீவிர விசாரணை மேற்கொண்டு வருகின்றனர்.