கேஜிஎஃப் படத்தின் மூன்றாம் பாகம் குறித்த தகவல் வெளியாகியுள்ளது.
பிரசாந்த் நீல் இயக்கத்தில் சென்ற 2019 ஆம் வருடம் வெளியான திரைப்படம் கேஜிஎப். இந்த படத்தில் ஹீரோவாக யாஷ் நடித்திருந்தார். இத்திரைப்படத்தின் வெற்றியால் இரண்டாம் பாகம் உருவானது. இந்நிலையில் சென்ற தமிழ் புத்தாண்டன்று கேஜிஎஃப் 2 திரைப்படம் வெளியாகி ரசிகர்களிடையே நல்ல வரவேற்பை பெற்று வருகின்றது. மேலும் இந்தப் படம் வசூலை அள்ளிக் குவித்து வருகின்றது. வெளியான நான்கு நாட்களில் மட்டும் 500 கோடிக்கு மேல் வசூல் செய்து சாதனை படைத்திருக்கிறது.
இதனால் ரசிகர்களுக்கிடையே மூன்றாம் பாகம் குறித்த எதிர்பார்ப்பை அதிகரிக்கச் செய்துள்ளது. ஆனால் மூன்றாம் பாகத்திற்காக எட்டு வருடங்கள் ரசிகர்கள் காத்திருக்க வேண்டும் என இயக்குனர் கூறியுள்ளார். பிரசாந்த் நீல் தற்போது பிரபாஸ் நடிக்கும் சலார் படத்தை இயக்கி வருகின்றார். இத்திரைப்படத்தின் 30 சதவீத படப்பிடிப்பு மட்டுமே முடிந்து இருக்கின்றது. இன்னும் 70 சதவீத படப்பிடிப்பை முடித்த பிறகே மூன்றாம் பாகத்திற்கான படப்பிடிப்பு தொடங்குவார் என பேசப்படுகின்றது. எது எப்படியோ மூன்றாம் பாகம் உருவாகும் என்ற தகவலை இயக்குனர் உறுதிப்படுத்தியுள்ளார்.