கனடா நாட்டில் ரயில் பாதையில் ஜாகிங்சென்ற நபர் மீது ரயில் மோதி உயிரிழந்த சம்பவம் சோகத்தை ஏற்படுத்தியுள்ளது.
கால்கரியில் நேற்று மதியம் 1:00 மணியளவில் ஒருவர் ரயில் பாதையில் ஜாகிங் சென்று கொண்டிருந்தார். அப்போது பின்னால் ரயில் ஒன்று வந்துள்ளதால் மக்கள் அவரை எச்சரிக்க குரல் எழுப்பியுள்ளனர். ஆனால் அவர் அதனை கவனிக்கவில்லை. இதனால் வேகமாக வந்த அந்த ரயில் அவர் மீது மோதியதில் சம்பவ இடத்திலேயே பரிதாபமாக பலியாகியுள்ளார்.
அந்த நபர் தன் காதுகளில் இயர்போன் மாட்டி இருந்திருந்ததாக கூறப்படுகிறது. இதன் காரணமாக அவருக்கு ரயில் வந்த சத்தமோ, அல்லது மக்கள் எழுப்பிய சத்தமோ கேட்கவில்லை என்று தெரிகிறது. மேலும் அவரது பெயர் வெளியிடப்படாத நிலையில், காவல்துறையினர் அந்த சம்பவம் குறித்து விசாரணை மேற்கொண்டு வருகின்றனர்.