”டான்” படத்தின் ரிலீஸ் தேதி மாற்றம் குறித்த தகவல் வெளியாகியுள்ளது.
தமிழ் திரையுலகில் பிரபல முன்னணி நடிகராக வலம் வருபவர் சிவகார்த்திகேயன். இயக்குனர் நெல்சன் இயக்கத்தில் இவர் நடிப்பில் கடைசியாக வெளியான திரைப்படம் ”டாக்டர்”. இந்த திரைப்படம் ரசிகர்கள் மத்தியில் நல்ல வரவேற்ப்பை பெற்ற வெற்றியடைந்தது. இதனையடுத்து, சிபிச்சக்கரவர்த்தி இயக்கத்தில் இவர் நடிப்பில் உருவாகியுள்ள திரைப்படம் ”டான்”. இந்த படத்தில் கதாநாயகியாக பிரியங்கா மோகன் நடிக்கிறார்.
மேலும் இந்த படத்தில் சூரி, எஸ். ஜே. சூர்யா, சமுத்திரக்கனி ,சிவாங்கி மற்றும் பலர் முக்கிய கதாபாத்திரத்தில் நடித்துள்ளனர். இந்த படத்தின் ரிலீஸ் தேதி ஏற்கனவே பலமுறை அறிவிக்கப்பட்டு தள்ளி வைக்கப்பட்டது. இறுதியாக மே மாதம் 13ஆம் தேதி இந்த படத்தை ரிலீஸ் செய்ய படக்குழுவினர் அறிவித்திருந்த நிலையில், தற்போது மீண்டும் இந்த படத்தின் ரிலீஸ் தேதி மாற்றப்படுவதாக தகவல் வெளியாகியுள்ளது. அதன்படி, இந்த திரைப்படத்தை மே மாதம் 5ஆம் தேதி வெளியிட படக்குழு திட்டமிட்டிருப்பதாக கூறப்படுகிறது.