நடிகர் கமல் நடிக்கும் விக்ரம் படம் குறித்த புதிய அறிவிப்பு ஒன்று வெளியாகியுள்ளது.
இயக்குனர் லோகேஷ் கனகராஜ் இயக்கிய மாஸ்டர் படத்தின் வெற்றியை தொடர்ந்து நடிகர் கமலை வைத்து விக்ரம் திரைப்படத்தை இயக்கி வருகிறார். இந்த திரைப்படத்தில் நடிகர் விஜய் சேதுபதி, பகத் பாசல் 2 பேரும் முக்கிய கதாபாத்திரத்தில் நடிக்கின்றனர். இந்த திரைப்படத்தை ராஜ்கமல் ஃபிலிம்ஸ் நிறுவனம் தயாரிக்கிறது. இந்த படத்திற்கு அனிருத் இசை அமைக்கிறார்.
இந்த படத்தின் வேலைகள் விறுவிறுப்பாக நடந்து வரும் நிலையில் ஜூன் 3-ம் தேதி படம் ரிலீஸ் ஆகும் என படக்குழு அறிவித்துள்ளது. இந்த படத்திற்கான முக்கிய முடிவு ஒன்றை நடிகர் கமல் எடுத்துள்ளார். அதாவது விக்ரம் படத்தின் இசை வெளியீட்டு விழாவை துபாயில் பிரமாண்டமாக நடத்த இருப்பதாக தகவல்கள் வெளியாகியுள்ளது. இந்த இசை வெளியீட்டு விழா மே மாதம் நடைபெறும் என அறிவிப்பு வெளியாகியுள்ளது.