வாகனங்களுக்கான எரிவாயு (சி.என்.ஜி.) விலை உயர்வைக் கட்டுப்படுத்த வேண்டும், அதற்கு மானியம் வழங்க வேண்டும், வாடகை கட்டணத்தை உயர்த்த வேண்டும் என்ற கோரிக்கைகளை வலியுறுத்தி தலைநகர் டெல்லியில் ஆட்டோ, டாக்சி டிரைவர்கள் நேற்று முன்தினம் வேலைநிறுத்தத்தை தொடங்கியுள்ளனர். அதேநேரம், ஓலா, உபர் போன்ற செயலி சார்ந்த வாகனங்கள் வழக்கம்போல் இயக்கப்பட்டுள்ளன.
இந்த நிலையில், ஆட்டோ, மஞ்சள்-கருப்பு டாக்சி டிரைவர்கள் வேலைநிறுத்தத்தை ஒத்திவைத்து நேற்று ஆட்டோ, டாக்சிகளை இயக்கியுள்ளனர். இதனால் டெல்லி மக்கள் ஓரளவு நிம்மதிப் பெருமூச்சுவிட்ட அதேநேரம், ஓலா, உபர் டாக்சிகள் நேற்று ஓடாததால் சிரமத்திற்குள்ளளனர். தேவைக்கேற்ப டாக்சி கிடைக்கவில்லை, கட்டணம் அதிகமாக இருக்கிறது என அவர்கள் வருத்தம் தெரிவித்தனர்.
இதற்கிடையில் வேலைநிறுத்தத்தை தொடர்வதா இல்லையா என்பது பற்றி முடிவு செய்யப்படும் என்று கூறிய ஓலா, உபர் டாக்சி டிரைவர்கள், தமது கோரிக்கைகளை வலியுறுத்தி ஜந்தர் மந்தரில் போராட்டமும் நடத்தியுள்ளனர்.