தலைவர் 169 படம் குறித்து இணையதளத்தில் பதிவான தகவல்களுக்கு இயக்குனர் நெல்சன் முற்றுப்புள்ளி வைத்துள்ளார்.
நடிகர் விஜய் மாஸ்டர் படத்தின் வெற்றியை தொடர்ந்து இயக்குனர் நெல்சன் இயக்கத்தில் பீஸ்ட் படத்தில் நடித்தார். இந்நிலையில் இயக்குனர் நெல்சன் இயக்கிய கோலமாவு கோகிலா மற்றும் டாக்டர் படங்கள் இரண்டுமே மிகப்பெரிய ஹிட்டடித்தது. இதனால் பீஸ்ட் படத்திற்கு ரசிகர்கள் மத்தியில் மிகுந்த எதிர்பார்ப்பு நிலவியது. ஆனால் பீஸ்ட் படம் வெளியாகி நெகட்டிவ் கமெண்ட்களை மட்டுமே பெற்று வருகிறது. தற்போது நடிகர் ரஜினி நடிக்கும் தலைவர் 169 திரைப்படத்தை இயக்குனர் நெல்சன் இயக்குவதாக ஏற்கனவே அறிவிக்கப்பட்டிருந்தது.
ஆனால் பீஸ்ட் படம் எதிர்பார்த்த வெற்றியை பெறாததால் தலைவர் படத்தை இயக்குனர் நெல்சன் இயக்கவில்லை என தகவல்கள் இணையதளத்தில் பரவியது. இந்த தகவல்களுக்கு முற்றுப்புள்ளி வைக்கும் விதமாக இயக்குனர் நெல்சன் தனது சமூக வலைதளப் பக்கத்தில் ஒரு அறிவிப்பை வெளியிட்டுள்ளார். அதாவது பீஸ்ட் படத்தின் விமர்சனத்தால் மிகுந்த மனவேதனையில் இருந்த நெல்சனை நடிகர் ரஜினி அழைத்து சீக்கிரமே தலைவர் 169 திரைப்படத்தை தொடங்கலாம் என கூறியுள்ளார் என பதிவிட்டிருந்தார். ஆனால் ரசிகர்கள் தலைவர் 169 திரைப்படத்தில் ரஜினி ரிஸ்க் எடுப்பதாக கமெண்ட் செய்து வருகின்றனர்.