ரஷ்யாவின் தாக்குதலை எதிர் கொள்வதற்காக உக்ரைனுக்கு போர் விமானங்களை அமெரிக்கா அனுப்ப இருக்கிறது.
ரஷ்யாவின் தாக்குதலை எதிர்கொள்ளும் வகையில் உக்ரைனுக்கு அமெரிக்கா போர் விமானங்களை அனுப்ப இருக்கிறது. மேலும் விமானப்படையை வலுப்படுத்தும், சீரமைக்க தேவைப்படும் பாகங்களையும் அனுப்பியிருக்கிறது. கிழக்கு உக்ரைனின் டான்பஸ் பகுதியில் ரஷ்ய படைகளின் தாக்குதல்கள் தொடர்ந்து அதிகரித்து வருகின்ற நிலையில், போர்விமானங்கள், ஆயுதங்கள் தேவை என அதிபர் ஜெலன்ஸ்கி கோரிக்கை விடுத்திருக்கின்றார்.
இதுபற்றி கனடா, ஜப்பான் மற்றும் ஐரோப்பிய நாடுகளின் தலைவர்களுடன் ஆலோசனை நடத்திய ஜோ பைடன் இராணுவ உதவிகளை வழங்குவதாக அறிவித்து இருக்கிறார். இருப்பினும் அமெரிக்க எந்த மாதிரியான விமானங்களை அனுப்புகின்றது என்ற தகவல் இதுவரை வெளியாகவில்லை. மேலும் சமீபத்தில் தான் 800 மில்லியன் அமெரிக்க டாலர் அளவிலான ராணுவ உதவியை அமெரிக்கா அனுப்பியது குறிப்பிடத்தக்கதாகும்.