கட்டுப்பாட்டை இழந்த ஆட்டோ சாலையில் கவிழ்ந்த விபத்தில் பெண் உயிரிழந்த நிலையில், 4 பேர் மருத்துவமனையில் அனுமதிக்க பட்ட சம்பவம் பரபரப்பை ஏற்படுத்தியள்ளது.
சேலம் மாவட்டம், அஸ்தம்பட்டி மணக்காடு பகுதியில் வசித்து வருபவர்கள் கல்யாணி(63), ஷோபா(56), ரேவதி(52), மாதேஸ்வரன்(39), அர்ச்சனா (35). இந்நிலையில் சொந்தக்காரர்களான 5 பேரும் இணைந்து நேற்று இரவு ஆட்டோவில் சீலநாயக்கன்பட்டிக்கு கொண்டிருந்ததனர். இந்த ஆட்டோவை மாதேஸ்வரன் என்பவர் ஓட்டி சென்றுள்ளார். அப்போது சீலநாயக்கன்பட்டி பைபாஸ் அருகில் ஊத்து மலை அடிவாரம் பகுதியில் செல்லும் போது ஆட்டோ எதிர்பாராதவிதமாக கட்டுப்பாட்டை இழந்து நிலைதடுமாறி கீழே கவிழ்ந்து விபத்துக்குள்ளாகியது.
இந்த விபத்தில் ஆட்டோவில் பயணம் செய்த ஐந்து பேரும் படுகாயம் அடைந்துள்ளனர். இதை பார்த்த அக்கம் பக்கத்தினர் அவர்களை மீட்டு சேலம் அரசு மருத்துவமனையில் சிகிச்சைக்காக அனுமத்தினர். அங்கு அவர்களுக்கு மருத்துவர்கள் தீவிர சிகிச்சை அளித்து வருகிறார்கள். அதில் சிகிச்சை பலனின்றி அர்ச்சனா என்பவர் பரிதாபமாக உயிரிழந்துள்ளார். மீதமுள்ள நான்கு பேருக்கும் தீவிர சிகிச்சை அளிக்கப்பட்டு வருகிறது. இதுகுறித்து அன்னதானபட்டி காவல்துறையினர் வழக்கு பதிந்து விசாரணை மேற்கொண்டு வருகின்றனர்.