நடிகர் விஜயின் பீஸ்ட் திரைப்படத்திற்கு ரசிகர்கள் ஆதரவு தெரிவித்துள்ளனர்.
நடிகர் விஜய் நடித்த பீஸ்ட் திரைப்படம் கடந்த வாரம் ரிலீஸ் ஆனது. இந்த திரைப்படத்தை சன் பிக்சர்ஸ் நிறுவனம் தயாரித்திருந்தது. இந்த திரைப்படத்தில் பிரபல நடிகை பூஜா ஹெக்டே ஹீரோயினாக நடிக்க நெல்சன் இயக்கியிருந்தார். இந்த படத்தின் பாடல்கள் மற்றும் டிரைலர் வெளியாகி நல்ல வரவேற்பை பெற்றது. இந்தப் படம் ரிலீஸ் ஆனதில் இருந்து கலவையான விமர்சனங்களை பெற்று வருகிறது. இந்தப்படம் என்னதான் கலவையான விமர்சனங்களை பெற்றாலும் வசூல் ரீதியாக சாதனை படைத்துள்ளது.
இந்நிலையில் பீஸ்ட் திரைப்படம் வெளியான அதே நாளில் நடிகர் யாஷ் நடித்த கே.ஜி.எப் 2 திரைப்படம் ரிலீஸ் ஆனது. இந்த கே.ஜி.எப் 2 படத்துடன் ஒப்பிடும்போது பீஸ்ட் படம் சற்று பின்னடைவை சந்திப்பதாக ரசிகர்கள் பலரும் கருத்து தெரிவித்து வருகின்றனர். தற்போது நடிகர் விஜய் நடித்த பீஸ்ட் திரைப்படத்தின் கிளைமாக்ஸ் காட்சியை பலரும் ட்ரோல் செய்து வந்தனர். ஆனால் விஜய் ரசிகர்கள் ஹாலிவுட் நடிகர் இந்த காட்சியில் நடிக்கலாம் ஆனால் தளபதி விஜய் நடிக்க கூடாதா என கேள்வி எழுப்பியுள்ளனர். இந்த பதிவு தற்போது இணையதளத்தில் வைரலாகி வருகிறது.