மனைவியை கட்டையால் அடித்து கொலை செய்த கணவனை காவல்துறையினர் தீவிரமாக தேடி வருகின்றனர்.
வேலூர் மாவட்டத்தில் உள்ள பாஸ்மார்பெண்டா மலை கிராமத்தில் விஜயன் என்பவர் வசித்து வருகிறார். இவருக்கு பூஷ்ணா என்ற மனைவி இருந்துள்ளார். இந்நிலையில் கடந்த 3 நாட்களாக பூஷ்ணா வேலைக்கு செல்லவில்லை. இதனால் சந்தேகம் அடைந்த பூஷ்ணாவின் சகோதரர் பாலாஜி புஷ்ணாவிற்கு போன் அடித்துள்ளார். ஆனால் பூஷ்ணா போன் எடுக்கவில்லை. இந்நிலையில் பாலாஜி தனது மகன் முருகனை புஷ்ணாவின் வீட்டிற்கு சென்று பார்த்துவிட்டு வருமாறு கூறியுள்ளார்.
இதனையடுத்து முருகன் புஷ்ணாவின் வீட்டிற்கு வந்து பார்த்தபோது பூஷ்ணா ரத்த காயங்களுடன் இறந்து கிடந்துள்ளார். இதனை பார்த்து அதிர்ச்சி அடைந்த முருகன் உடனடியாக காவல்துறையினருக்கு தகவல் தெரிவித்துள்ளார். அந்த தகவலின் படி சம்பவ இடத்திற்கு விரைந்து சென்ற காவல்துறையினர் புஷ்ணாவின் சடலத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். இதுகுறித்து வழக்கு பதிவு செய்த காவல்துறையினர் நடத்திய விசாரணையில் புஷ்ணாவை அவரது கணவர் விஜயன் கட்டையால் அடித்து கொலை செய்தது தெரியவந்துள்ளது.மேலும் காவல்த்துறையினர் தலை மறைவாக இருக்கும் விஜயனை தீவிரமாக தேடி வருகின்றனர்.