நடிகர் விஜயை சந்தித்து இயக்குனர் மகிழ்திருமேனி கதை கூறியுள்ளதாக தகவல் வெளியாகியுள்ளது.
தமிழ் சினிமா உலகின் உச்ச நட்சத்திரமான விஜய் தற்போது தளபதி 66 திரைப்படத்தில் நடித்து வருகின்றார். இவர் நடிப்பில் நெல்சன் இயக்கத்தில் அண்மையில் வெளியான பீஸ்ட் திரைப்படம் கலவையான விமர்சனங்களை பெற்றாலும் வசூல் அமோகமாக இருப்பதாக தகவல்கள் வெளியாகின்றன.
தற்போது விஜய் வம்சி இயக்கத்தில் ராஷ்மிகா மந்தனா உடன் இணைந்து நடித்து வருகின்றார். இந்த படத்திற்கு தமன் இசையமைக்கின்றார். இந்த நிலையில் இயக்குனர் மகிழ்திருமேனி விஜய்யை சந்தித்து ஒரு கதையை கூறியிருக்கிறாராம். சில வருடங்களுக்கு முன்பு, மகிழ்திருமேனி விஜயை சந்தித்து கதையைச் சொன்னது விஜய்க்கு மிகவும் பிடித்திருந்ததாம்.
ஆனால் மகிழ்திருமேனி உதயநிதி ஸ்டாலினுடன் ஒப்பந்தமானதால் விஜய்யை வைத்து அவரால் இயக்க முடியாமல் போனதாம். விஜய்யும் அதன் பிறகு நெல்சன் இயக்கத்தில் பீஸ்ட் படத்தில் நடிக்க ஒப்பந்தமானாராம். இந்நிலையில் மகிழ்திருமேனி விஜயை மீண்டும் சந்தித்து கதை கூறியுள்ளாராம். ஆகையால் தளபதி 68 திரைப்படத்தை மகிழ்திருமேனி இயக்கலாம் என திரையுலகில் பேசப்பட்டு வருவது குறிப்பிடத்தக்கது.