உலக புத்தக தின விழாவில் கலந்து கொண்ட மாணவர்களுக்கு புத்தகங்கள் பரிசாக வழங்கப்பட்டுள்ளது.
வேலூர் மாவட்டத்தில் உள்ள காந்திநகர் அறிஞர் அண்ணா கிளை நூலகத்தின் சார்பில் உலக புத்தக தின விழா நடைபெற்றது. இதில் வாசகர் வட்ட தலைவர் பி.பழனி, தாமோதரன், கவிஞர் ஆர். சீனிவாசன், கல்வி உலகம் உயர்நிலை பள்ளி தலைமை ஆசிரியர் எஸ்.எஸ். சிவவடிவு, துளிர் பள்ளி தலைமை ஆசிரியை த.கனகா, செஞ்சிலுவை சங்க துணைத்தலைவர் ஆர்.விஜயகுமாரி, உள்ளிட்ட பலர் கலந்து கொண்டனர்.
அதன் பின்னர் துணைத் தலைவர் சே.நா. ஜனார்த்தனன் ஓவியம், கட்டுரை, பேச்சுப்போட்டி போன்ற போட்டிகளில் கலந்துகொண்டு வெற்றி பெற்ற மாணவ- மாணவிகளுக்கு பரிசாக புத்தகங்களை வழங்கி பாராட்டியுள்ளார்.