லாரி மீது கார் மோதிய விபத்தில் ஓட்டுநர் படுகாயம் அடைந்த சம்பவம் பரபரப்பை ஏற்படுத்தியுள்ளது.
தூத்துக்குடி மாவட்டத்தைச் சேர்ந்த மாடசாமி என்பவர் கரி மூட்டைகளை ஏற்றிக்கொண்டு லாரியில் கரூர் நோக்கி சென்று கொண்டிருந்தார். இவர் விருதலைபட்டி அருகே சென்று கொண்டிருந்த போது பெங்களூர் நோக்கி சென்று கொண்டிருந்த கார் ஒன்று லாரியின் பின் பகுதியில் பயங்கரமாக மோதியது. இந்த விபத்தில் காரின் முன்பகுதி சேதமடைந்தது. இந்த விபத்தில் கார் ஓட்டுநர் அமுலுக்கு பலத்த காயம் ஏற்பட்டுள்ளது.
இதைப்பார்த்து அதிர்ச்சியடைந்த அக்கம்பக்கத்தினர் காவல்துறைக்கு தகவல் தெரிவித்துள்ளனர். அந்த தகவலின்படி சம்பவ இடத்திற்கு விரைந்து சென்ற காவல்துறையினர் காரில் இருந்து அமுலை மீட்டு சிகிச்சைக்காக வேடசந்தூர் அரசு மருத்துவமனைக்கு அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.