உக்ரைன் நாட்டின் மரியுபோல் நகரத்தில் மூன்றாம் மிகப்பெரிய புதைகுழி இருக்கிறது என்பது செயற்கைக்கோள் புகைப்படத்தில் கண்டறியப்பட்டிருப்பதாக தகவல் வெளியாகியுள்ளது.
உக்ரைன் நாட்டில் உள்ள மரியுபோல் நகரில் இருக்கும் ஸ்டார்யி க்ரிம் என்னும் கிராமத்தில் 200 மீட்டர் அகலமுடைய பெரிதான புதைகுழி உள்ளது புவியியல் புகைப்பட நிறுவனமானது என்ற செயற்கைக்கோள் புகைப்படங்கள் மூலமாக கண்டுபிடித்திருக்கிறது. இதில் முதல் புகைப்படமானது கடந்த மாதம் 24ஆம் தேதியன்று எடுக்கப்பட்டிருக்கிறது.
அந்த புகைப்படத்தில் மிக நீளமான மூன்று பள்ளங்கள் உள்ளது. அதில், ஒரு பள்ளம் 60 லிருந்து 70 மீட்டர் நீளம் உடையதாகவும் கூறப்பட்டிருக்கிறது. அடுத்ததாக இம்மாதம் 7ஆம் தேதி எடுக்கப்பட்ட புகைப்படத்தில் அந்த நீளமான பள்ளம் பெரிதாக்கப்பட்டிருக்கிறது. அதில் சில பகுதிகளில் சமீபத்தில் அந்த பள்ளம் தோண்டி மூடப்பட்டிருக்கிறது என்று கண்டறியப்பட்டிருக்கிறது.
கடைசியாக கடந்த ஞாயிற்றுக்கிழமை அன்று எடுக்கப்பட்ட புகைப்படத்தில் தற்போது பெரிதாக புதைகுழி தோண்டப்பட்டிருப்பது உறுதிப்படுத்தப்பட்டிருக்கிறது. மேலும் அந்த பள்ளத்தின் நீளமானது, 200 மீட்டர் அளவிற்கு இருக்கும் என்று கூறப்பட்டிருக்கிறது. அந்த கிராமம் கடந்த மாதம் பத்தாம் தேதி அன்று ரஷ்யப் படைகளால் கைப்பற்றப்பட்டு விட்டது என்பது குறிப்பிடத்தக்கது.