தேனி அருகே உள்ள அரண்மனை புதூரில் 4 அடி நீளம் கொண்ட நல்ல பாம்பு கோழி முட்டை மற்றும் கோழிகுஞ்சுவை விழுங்கிய நிலையில் பிடிபட்டது.
தேனி மாவட்டத்திற்கு அருகே உள்ள அரண்மனைபுதூரில் வசித்து வருபவர் ராஜேஷ்பாண்டி. இவர் தனது விவசாய தோட்டத்தில் இருக்கும் வீடுகளில் கோழிகளை வளர்த்து வருகின்றார். இந்நிலையில் நேற்று முன்தினம் தொழிலாளர்கள் தோட்டத்திற்கு வேலைக்கு சென்ற பொழுது பாம்பு ஒன்று கோழி முட்டைகள் வைத்திருந்த இடத்தில் இருந்ததைப் பார்த்தார்கள்.
அந்தப் பாம்பு அங்கிருந்த முட்டைகளை விழுங்கி கொண்டு இருந்ததை பார்த்து அதிர்ச்சி அடைந்து பாம்பு பிடிக்கும் நபரான கண்ணன் என்பவருக்கு தகவல் கொடுத்துள்ளார்கள். இதனால் விரைந்து வந்த கண்ணன் பாம்பை பிடித்தார். நான்கடி நீளம் கொண்ட அந்த பாம்பானது ஐந்து முட்டைகளையும் ஒரு கோழிக்குஞ்சையும் விழுங்கியது அப்போதுதான் தெரியவந்தது. பின்னர் பிடிபட்ட அந்த பாம்பை தேனியில் உள்ள வனப்பகுதியில் விடப்பட்டது.