சிறப்பாக நடைபெற்ற வருமுன் காப்போம் திட்ட முகாமில் ஏராளமானோர் கலந்து கொண்டுள்ளனர்.
கள்ளக்குறிச்சி மாவட்டத்தில் உள்ள தியாகதுருகம் அருகே எஸ்.ஓகையூர் பகுதியில் அரசு மேல்நிலைப்பள்ளி அமைந்துள்ளது. இங்கு கலைஞரின் வருமுன் காப்போம் திட்ட மருத்துவ முகாம் நடைபெற்றது. இதற்கு தாமோதரன் தலைமை தாங்கினார். இந்த முகாமில் கவுன்சிலர் பழனியம்மாள் அய்யாசாமி, ஒன்றிய கவுன்சிலர் செல்லம்மாள் மாணிக்கம், ஒன்றியக்குழு துணைத்தலைவர் நெடுஞ்செழியன் ஆகியோர் முன்னிலை வகித்தனர்.
இந்த முகாமில் கலந்துகொண்ட பொதுமக்களுக்கு மருத்துவ ஆலோசனை மற்றும் கர்ப்பிணி பெண்களுக்கு ஊட்டச்சத்து பொருட்கள் அடங்கிய பரிசுப் பெட்டகம் வழங்கப்பட்டது. மேலும் இந்த முகாமில் மருத்துவர்கள் உமா நந்தினி, ரவின், ஒன்றிய துணைச் செயலாளர் சாந்தி கணேசன், அவைத்தலைவர் சாமிதுரை உள்ளிட்ட பலர் கலந்து கொண்டனர்.