தேர்வில் முறைகேடு நடந்துள்ளதாக புகார் எழுந்துள்ளதை அடுத்து சி.ஐ.டி. விசாரணை நடைபெற்று வருகிறது.
கர்நாடக மாநிலத்தில் உள்ள போலீஸ் துறைகளில் 545 போலீஸ் சப்-இன்ஸ்பெக்டர் பணிக்கான தேர்வானது நடைபெற்றுள்ளது. இந்நிலையில் இந்த தேர்வில் தேர்வான சிலர் லஞ்சம் கொடுத்து இப்பணியை பெற்றுள்ளதாக புகார் ஒன்று எழுந்துள்ளது. ஆகவே இது குறித்து சிஐடி போலீசார் விசாரணை நடத்தி வருகின்றனர். இதையடுத்து போலீசார், சிலரை கைது செய்துள்ளனர் விவகாரம் விஸ்வரூபம் எடுத்துள்ளது.
இதையடுத்து அந்த தேர்வினை ரத்து செய்துவிட்டு, அந்த 545 சப்-இன்ஸ்பெக்டர் பணிக்கு மறுதேர்வினை நடத்த கர்நாடக அரசு முடிவு செய்துள்ளது. மேலும் இதுகுறித்து போலீஸ் மந்திரி அரக ஞானேந்திரா பெங்களூருவில் நிருபர்களுக்கு பேட்டி அளிக்கையில் கூறியுள்ளதாவது, கா்நாடகத்தில் 545 போலீஸ் சப்-இன்ஸ்பெக்டர் பணிக்கு தேர்வு நடைபெற்றுள்ளது. இந்நிலையில் இதில் முறைகேடு நடந்துள்ளதாக புகார் எழுந்துள்ளதை அடுத்து சி.ஐ.டி. விசாரணை நடைபெற்று வருகிறது.
இதனால் அந்த தேர்வை ரத்து செய்துவிட்டு மறுதேர்வு நடத்த முடிவு செய்யப்பட்டுள்ளதாகவும், மேலும் முன்பு தேர்வு எழுதிய 54 ஆயிரத்து 289 பேருக்கு மீண்டும் தேர்வு எழுத வாய்ப்பு அளிக்கப்படும். இவ்வாறு அவர் தெரிவித்துள்ளார்.