கடந்த 2013ஆம் வருடம் வெளியாகிய “ராஜா ராணி” திரைப்படம் வாயிலாக இயக்குனராக அறிமுகமான அட்லீ, தன் முதல் படத்திலேயே முத்திரை பதித்து அனைவரது கவனத்தையும் ஈர்த்தார். இதையடுத்து விஜய் நடிப்பில் தெறி, மெர்சல், பிகில் என ஹாட்ரிக் வெற்றி படங்களை கொடுத்து, தமிழ் திரையுலகில் முன்னணி இயக்குனரானார். இப்போது இயக்குனர் அட்லீ பாலிவுட் திரைப்படம் ஒன்றை இயக்கி வருகிறார்.
அதாவது ஷாருக்கான் கதாநாயகனாக நடிக்கும் இந்த படத்தில் அவருக்கு ஜோடியாக நயன்தாரா நடிக்கிறார். இந்த படத்தின் படப்பிடிப்பு புனேவில் நடந்து வருகிறது. அட்லீ இயக்கும் பாலிவுட் திரைப்படத்தில் நகைச்சுவை நடிகர் யோகிபாபு முக்கியமான கதாபாத்திரத்தில் நடிப்பதாக தகவல் வெளியாகியது. இத்தகவலை இப்போது யோகிபாபு ஒரு பதிவின் வாயிலாக உறுதிப்படுத்தியுள்ளார்.
இத்திரைபடம் குறித்து ரசிகர் ஒருவர் சமூகவலைத்தளத்தில் எழுப்பிய கேள்விக்கு அவர் பதில் அளித்து இப்படத்தில் ஷாருக்கானுடன் நடிப்பதை உறுதிசெய்துள்ளார். இந்த படத்தில் நடிப்பதன் வாயிலாக யோகி பாபு பாலிவுட் திரை உலகிற்கு அறிமுகமாகவுள்ளார். முன்பே ஷாருக்கானின் சென்னை எக்ஸ்பிரஸ் திரைப்படத்தில் ஒரு சிறிய கதாபாத்திரத்தில் நடித்து இருந்த யோகிபாபு இப்போது 2வது முறையாக அவருடன் கூட்டணி அமைக்க இருப்பது குறிப்பிடத்தக்கது.