இந்து விரோத செயல்களில் ஈடுபடுவது, கோவில்களில் தலையிடுவது போன்ற செயல்களில் ஈடுபட்டால் அரசாங்கத்தில் உள்ள எந்த ஒரு அமைச்சர்களும் சாலைகளில் நடக்க முடியாது என மன்னார்குடி ஜீயர் எச்சரிக்கை விடுத்துள்ளார். தருமபுரம் ஆதீனத்தில் பல நூற்றாண்டுகளாக நடைபெற்று வரும் பட்டினப்பிரவேசம் என்ற பாரம்பரிய நிகழ்ச்சிக்கு அனுமதி மறுக்கப்பட்டதால் பல்வேறு தரப்பினரும் அதற்கு எதிராக கருத்து தெரிவித்து வருகின்றனர். இந்த விவகாரம் தொடர்பாக மன்னார்குடி ராமானுஜ ஜீயர் தனது கண்டனத்தை தெரிவித்துள்ளார்.
மேலும் பட்டினப்பிரவேசம் நிகழ்ச்சிக்கு தடை விதித்த மாவட்ட நிர்வாகத்திற்கு மதுரை ஆதீனம் சார்பாக கண்டனம் தெரிவித்திருந்தார். மேலும் குருவின் பட்டினப்பிரவேசம் நிகழ்ச்சி நடத்துவதில் தனது உயிரே போனாலும் கவலையில்லை.குருவிற்காக தானே பல்லக்கு சுமப்பேன் என்றும் மதுரை ஆதீனம் தெரிவித்திருந்தார். பாரம்பரிய விஷயங்களில் அரசு தலையிடுவது கோயில்களில் தலை விடுவது போன்ற செயல்களில் ஈடுபட்டால் அரசாங்கத்தில் உள்ள எந்த அமைச்சர்களும் சாலையில் நடக்க முடியாது என்று எச்சரிக்கை விடுத்துள்ளார். மேலும் தருமபுர ஆதீனத்தின் பட்டினப்பிரவேசத்தை எந்த ஒரு அரசாங்கமும், தனி இயக்கமும் தடுத்து நிறுத்திவிட முடியாது எனக் கூறியுள்ளார். தருமபுர ஆதீன பல்லக்கை மனிதர்கள் தூக்குவதை தடை செய்யும் தமிழக அரசின் நடவடிக்கைக்கு தான் இப்படி ஒரு எச்சரிக்கை விடுத்துள்ளதாக அவர் தெரிவித்துள்ளார்.