தமிழ் சினிமாவில் பிரபல முன்னணி நட்சத்திரங்களில் ஒருவராக வலம் வருபவர் தளபதி விஜய். சமீபத்தில் கோலமாவு கோகிலா, டாக்டர் படங்களை இயக்கிய நெல்சனின் இயக்கத்தில் விஜய் நடிப்பில் வெளிவந்த திரைப்படம் ‘பீஸ்ட்’. அதனை தொடர்ந்து தெலுங்கு இயக்குனர் வம்சி இயக்கத்தில் விஜய் நடிப்பில் ஸ்ரீ வெங்கடேஸ்வரா கிரியேஷன்ஸ் தயாரிப்பில் அண்மையில் “தளபதி 66” படத்தின் படப்பிடிப்பு பூஜையுடன் தொடங்கியது. இப்படத்தில் விஜய்க்கு ஜோடியாக ராஷ்மிகா மந்தனா நடிக்கிறார். அதோடு மட்டுமில்லாமல் இந்த ‘தளபதி 66’ படத்தின் படப்பிடிப்பு ஹைதராபாத்தில் நடைபெற்று வருவதாகவும், அதில் யோகிபாபு பங்கேற்றுள்ளதாகவும் தகவல் வெளியாகியிருந்தது.
இந்த நிலையில் தளபதி 66 படத்தை பற்றிய புதிய தகவல் ஒன்று இணையத்தில் வைரலாகி வருகிறது. அதாவது தளபதி 66 என்றழைக்கப்படும் இந்த படத்தின் டைட்டில் மொத்தம் 5 எழுத்துக்களில் இருக்கும் என்று கூறப்படுகிறது. இந்த தகவல் தற்போது சமூக வலைதளங்களில் வைரலாகி வருகிறது. மேலும் ரசிகர்கள் தளபதி 66 படத்தின் ஐந்தெழுத்து டைட்டில் என்னவாக இருக்கும் ? என்று யோசித்து வருகின்றனர். ஆனால் இந்த படத்தின் டைட்டில் ஜூன் 22ஆம் தேதி விஜய் பிறந்த நாளன்று வெளியாகும் என்பது குறிப்பிடத்தக்கது.