தமிழகம் மற்றும் புதுச்சேரியில், 10 மற்றும் 12 ஆம் வகுப்பு பொதுத் தேர்வு நடைபெற்று வருகிறது . இந்நிலையில் தற்போது பொதுத் தேர்வுக்கான ஏற்பாடுகளில், பள்ளிக் கல்வித் துறை தீவிரமாக ஈடுபட்டுள்ளது. இதற்கிடையே, தமிழகத்தில் அதிகரித்து வரும் வெப்ப அலை மற்றும் அக்னி வெயிலின் காரணமாக, 1 ஆம் வகுப்பு முதல் 9 ஆம் வகுப்பு வரையிலான மாணவர்களுக்கு மட்டும், முன்கூட்டியே கோடை விடுமுறை அளிக்க வேண்டும் என்ற கோரிக்கை எழுந்தது.
இதையடுத்து இது குறித்து பள்ளிக் கல்வித் துறை அமைச்சர் அன்பில் மகேஷ் பொய்யாமொழி பேட்டி அளித்தபோது கூறியுள்ளதாவது, 1 முதல் 9 ஆம் வகுப்பு வரையிலான மாணவர்கள், தேர்வு நாளில் மட்டும் பள்ளிக்கு வந்தால் போதும் என்றும், முன்கூட்டியே கோடை விடுமுறை அளிப்பது தொடர்பான அறிவிப்பு விரைவில் வெளியாகும் என்றும் தெரிவித்த நிலையில், 1 ஆம் வகுப்பு முதல் 9 ஆம் வகுப்பு வரையிலான மாணவர்களுக்கு, வரும் 14 ஆம் தேதி முதல் அடுத்த மாதம் 12 ஆம் தேதி வரை கோடை விடுமுறை அளிக்கப்பட உள்ளதாக பள்ளிக் கல்வித் துறை அறிவித்துள்ளது.
மேலும் இது தொடர்பாக பள்ளிக்கல்வித் துறை வெளியிட்டுள்ள அறிக்கையில் தெரிவிக்கப்பட்டுள்ளதாவது, 1 ஆம் வகுப்பு முதல் 9 ஆம் வகுப்பு வரை பயிலும் அனைவருக்கும், வருகிற 14 ஆம் தேதி முதல் ஜூன் மாதம் 12 ஆம் தேதி வரை கோடை விடுமுறை எனவும், அதன்பின் கோடை விடுமுறை முடிந்து, ஜூன் மாதம் 13 ஆம் தேதி அன்று, 1 முதல் 9 ஆம் வகுப்பு வரையிலான மாணவர்களுக்கு வகுப்புகள் தொடங்கும்.