சந்தானம் நடிப்பில் உருவான குலுகுலு படத்தின் பர்ஸ்ட் லுக் போஸ்டரை படக்குழுவினர் வெளியிட்டுள்ளனர்.
சந்தானத்தின் குலுகுலு படத்தின் ஃபர்ஸ்ட் லுக் போஸ்டர் வெளியாகி ரசிகர்களிடையே நல்ல வரவேற்பை பெற்றுள்ளது. சினிமா திரை உலகில் ரசிகர்களை கவர்ந்த நகைச்சுவை நடிகராக வலம் வருபவர் நடிகர் சந்தானம். இவரது நடிப்பில் உருவாகும் திரைப்படங்கள் ரசிகர்களை வெகுவாக கவர்ந்து வருகின்றது. அந்த வகையில் குலுகுலு என்னும் படத்தின் கதாநாயகனாக தற்போது நடித்து வருகின்றார்.
இந்த படத்தை மேயாதமான், ஆடை போன்ற படங்களை இயக்கிய ரத்னகுமார் இயக்கி வருகிறார். இந்த படத்தில் அதுல்யா சந்திரா, நமிதா கிருஷ்ணமூர்த்தி, பிரதீப் ராவத், மரியம் ஜார்ஜ், லொள்ளுசபா, மாறன் போன்றோர் முக்கிய கதாபாத்திரங்களில் நடித்திருக்கின்றனர். சர்க்கிள் பாக்ஸ் என்டர்டெயின்மென்ட் நிறுவனம் இந்த படத்தினை தயாரித்து வருகின்றது.
மேலும் இந்த படத்தின் தயாரிப்பு பணிகள் விறுவிறுப்பாக நடைபெற்று வருகின்றது. இந்த நிலையில் இந்த படத்திற்கு சந்தோஷ் நாராயணன் இசையமைத்து வருகின்றார். இந்த படத்தில் ஒவ்வொரு ஊராகச் சுற்றும் தேசாந்திரியாய் சந்தானம் நடித்து இருக்கிறார் என்பது தெரிகின்றது.