இலங்கையில் வரலாறு காணாத நிதி நெருக்கடி காரணமாக அத்தியாவசிய பொருட்களின் விலை உயர்ந்துள்ளது. அதுமட்டுமல்லாமல் அந்த பொருட்களுக்கு தட்டுப்பாடு நிலவி வருவதால் மக்கள் வீதியில் இறங்கி போராட்டம் நடத்தத் தொடங்கினர். இந்நிலையில் அதற்கு ராஜபக்சே பதவி விலக வேண்டும் என்று மக்கள் கோஷங்களை எழுப்பினர். அதுமட்டுமல்லாமல் இலங்கையில் நாடு தழுவிய ஊரடங்கு நேற்று முன்தினம் அமல்படுத்தப்பட்டது. இதனிடையே பிரதமர் பதவியிலிருந்து விலகுவதாக மஹிந்த ராஜபக்ஷ நேற்று முந்தினம் அறிவித்தார். இதனைத் தொடர்ந்து இலங்கை முழுவதும் வன்முறை தீவிரமடைந்துள்ளது.
இந்நிலையில் 3வது நாளாக பதற்றம் நீடித்து வரும் நிலையில் தமிழக கடலோரப் பகுதிகளை உஷார் படுத்த மாநில காவல்துறைக்கு மத்திய உள்துறை அறிவுறுத்தியுள்ளது. இலங்கையில் நிலவும் அசாதாரண சூழ்நிலையால் அகதிகளுடன் தேசவிரோதிகள் உள்நுழையலாம் என்பதால் பாதுகாப்பை பலப்படுத்த அறிவுறுத்தப்பட்டுள்ளது. இலங்கையில் தப்பிய 58 சிறைக்கைதிகள் கடல் வழியாக தமிழகத்திற்குள் நுழைய வாய்ப்பு இருப்பதாக தெரிவிக்கப்பட்டுள்ளது. பூத்துறை எச்சரிக்கையை தொடர்ந்து கடலில் ரோந்து பணியை கடலோர பாதுகாப்பு குழுமம் தீவிரப்படுத்தியுள்ளது.