கடலூர் மாவட்டம் வேப்பூர் நெடுஞ்சாலையில் அமைந்துள்ள ஒரு மளிகை கடைக்கு தினமும் ஒரு குரங்கு வந்து அங்கு கூல்டிரிங்ஸை வாங்கிக் குடித்துவிட்டு யாருக்கும் எந்த தொந்தரவும் கொடுக்காமல் ரெகுலர் கஸ்டமர் போல் செல்கிறது. கடைக்காரர் குரங்கிற்கு ஸ்வீட் பன்-னை கொடுக்கிறார். ஆனால் அந்த குரங்கு அதை வாங்காமல் முகத்தை திருப்பிக் கொண்டு உட்கார்ந்திருக்கிறது.
பின்பு கடைக்காரர் சென்று கூல்ட்ரிங்க்ஸை கொண்டு வந்து கொடுத்ததும் அதை உடனே வாங்கி குடிப்பது வாடிக்கையாளர்களை வியப்பூட்டுகிறது. அடிக்கிற வெயிலுக்கு பன்னு வேண்டாம், கூல்டிரிங்ஸ் கொடுங்கப்பா என்பது போன்று காணப்படுகிறது. கடைக்கு வரும் வாடிக்கையாளர்களை எந்த தொந்தரவும் செய்யாததால் பொதுமக்களும் அங்குள்ள குரங்குகளுக்கு உணவுப் பொருட்களை வாங்கிக் கொடுக்கின்றனர். இந்த வீடியோ சமூக வலைதளங்களில் வைரலாகி வருகிறது.