பிளஸ்-1 தேர்வில் பங்கேற்காத மாணவர்களின் எண்ணிக்கை குறித்த அறிவிப்பு வெளியாகி உள்ளது.
தமிழகத்தில் 10-ம் வகுப்பிற்கான பொதுத் தேர்வு கடந்த 6-ம் தேதியும், 12-ம் வகுப்பிற்கான பொதுத் தேர்வு கடந்த 5-ம் தேதியும், 11-ம் வகுப்பிற்கான பொதுத் தேர்வு கடந்த 10-ம் தேதி தொடங்கி நடைபெற்று வருகிறது. இந்நிலையில் 11-ம் வகுப்புக்கான பொதுத்தேர்வு 3,119 மையங்களில் நடைபெறுகிறது. இந்த தேர்வில் 4,50,198 மாணவிகளும், 4,33,684 மாணவர்களும் கலந்து கொள்கின்றனர்.
ஆனால் நேற்று நடைபெற்ற ஆங்கில தேர்வில் ஏராளமான மாணவ-மாணவிகள் கலந்து கொள்ளவில்லை என அதிகாரப்பூர்வமாக அறிவிப்பு வெளியாகிள்ளது. அதாவது மொத்தம் 44,394 பேர் எழுதவில்லை என தேர்வுத்துறை அறிவித்துள்ளது. மேலும் கடந்த 10-ம் தேதி நடைபெற்ற பொதுத் தேர்வில் 43,533 பேர் எழுதவில்லை என்பது குறிப்பிடத்தக்கதாகும்.