வாலிபரை கத்தியால் குத்தி கொலை செய்த 3 பேரை காவல்துறையினர் கைது செய்துள்ளனர்.
நாமக்கல் மாவட்டத்தில் உள்ள எம்.ஜி.ஆர். நகரில் பிரபாகரன் என்பவர் வசித்து வருகிறார். இந்நிலையில் 10-ஆம் வகுப்பு படிக்கும் மருமகன் சரியாக படிக்காததால் அவரை கண்டித்துள்ளார். இதனை பார்த்த சுரேந்தர் என்பவர் பிரபாகரனை தட்டி கேட்டுள்ளார். இந்நிலையில் நேற்று முன்தினம் செல்லப்பா காலனி பகுதியில் நின்று கொண்டிருந்த பிரபாகரனிடம் சுரேந்திரன் தகராறு செய்துள்ளார்.
அப்போது அங்கு வந்த விக்னேஷ் என்பவர் சுரேந்தருக்கு ஆதரவாக பேசியுள்ளார். மேலும் ஆத்திரம் அடைந்த சுரேந்தர் கத்தியால் பிரபாகரனை சரமாரியாக குத்தியுள்ளார். இதில் படுகாயம் அடைந்த பிரபாகரன் சம்பவ இடத்திலேயே பரிதாபமாக உயிரிழந்து விட்டார். இதுகுறித்து தகவலறிந்த காவல்துறையினர் சம்பவ இடத்திற்கு விரைந்து சென்று பிரபாகரனின் சடலத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இதுகுறித்து வழக்கு பதிவு செய்த காவல்துறையினர் சுரேந்தர் உள்ளிட்ட 5 பேரை கைது செய்து தீவிர விசாரணை மேற்கொண்டு வருகின்றனர். இந்த சம்பவம் அப்பகுதியில் சோகத்தை ஏற்படுத்தியுள்ளது.