இந்திலியில் உள்ள டாக்டர் ஆர். கே. எஸ் கல்லூரியில் குரூப் 2 தேர்வுக்கான இலவச மாதிரி தேர்வு நடைபெற்றது.
கள்ளக்குறிச்சி மாவட்டத்தில் மாவட்ட வேலைவாய்ப்பு, தொழில்நெறி வழிகாட்டும் மையம் சார்பாக மாவட்ட வேலைவாய்ப்பு அலுவலகத்தில் இலவச பயிற்சி வகுப்பு நடைபெற்று வருகின்றது. தமிழ்நாடு அரசு பணியாளர் தேர்வாணையத்தின் நடத்தப்படுகின்ற குரூப்-2 தேர்வு வருகின்ற 21-ம் தேதி நடைபெற இருக்கின்றது. இதனால் குரூப்-2 தேர்வுக்கான இலவச மாதிரி தேர்வு நேற்று கள்ளக்குறிச்சி அருகில் இந்திலியில் உள்ள டாக்டர் ஆர். கே. எஸ் கல்லூரியில் நடந்தது.இந்த மாதிரி தேர்வில் 306 பேர் கலந்து கொண்டு தேர்வு எழுதினர்.
இதேபோன்று ஜூலை மாதம் நடைபெற இருக்கின்ற குரூப் 4 தேர்வுக்கு இலவச பயிற்சி வகுப்புகள் மாவட்ட வேலைவாய்ப்பு, தொழில் நெறி வழிகாட்டு மையம் சார்பாக இந்திலியில் உள்ள டாக்டர் ஆர்.கே.எஸ் கல்லூரியில் சனி, ஞாயிற்றுக்கிழமைகளில் நடத்தப்பட்டு வருகின்றன. இந்த வாய்ப்பை கள்ளக்குறிச்சி மாவட்டத்தில் உள்ளவர்கள் பயன்படுத்திக் கொண்டு தேர்வில் வெற்றி பெற வேண்டும் என்று கள்ளக்குறிச்சி மாவட்ட வேலைவாய்ப்பு அலுவலர் முரளிதரன் தெரிவித்தார்.