2 பேரை தாக்கிய குரங்கை வனத்துறையினர் நீண்ட நேரம் போராடி பிடித்துள்ளனர்.
மயிலாடுதுறை மாவட்டத்தில் உள்ள மந்தக்கரை கிராமத்தில் ஏராளமான மக்கள் வசித்து வருகின்றனர். அதே பகுதியில் உள்ள ஒரு மரத்தில் 2 குரங்குகள் வசித்து வந்துள்ளது. இந்த குரங்குகள் கடந்த சில நாட்களாக மேய்ச்சலுக்கு செல்லும் ஆடு, மாடுகளை கடித்துள்ளது. மேலும் பள்ளி மாணவன் மற்றும் விவசாயி ஆகிய 2 பேரை சரமாரியாக கடித்துள்ளது.
இதனை பார்த்து அதிர்ச்சி அடைந்த அப்பகுதி மக்கள் வனத்துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற வனத்துறையினர் நீண்ட நேரம் போராடி குரங்கை பிடித்துள்ளனர். அதன் பின்னர் அந்த குரங்கை அரியலூர் மாவட்டத்தில் உள்ள ஒரு வனப்பகுதியில் விட்டுள்ளனர்.