கர்ப்பமாக இருக்கும் நமீதாவை ரசிகர்கள் கவனமாக இருங்கள் என கூறி வருகின்றனர்.
பிரபல நடிகையாக வலம் வரும் நமீதா தமிழ், தெலுங்கு, மலையாளம், கன்னடம் உள்ளிட்ட மொழி திரைப்படங்களில் நடித்து வருகின்றார். இவர் தமிழில் விஜயகாந்த் நடிப்பில் வெளியான எங்கள் அண்ணா திரைப்படத்தின் மூலம் அறிமுகமானார். இவர் சென்ற 2017 ஆம் வருடம் வீரேந்திர சவுத்ரி என்பவரை காதலித்து திருமணம் செய்து கொண்டார். இந்நிலையில் 41 வயதாகும் நமீதா கர்ப்பமாக இருக்கும் செய்தியை சென்ற வாரம் தனது இன்ஸ்டாகிராம் பக்கத்தில் பகிர்ந்திருந்தார்.
இதற்கு ரசிகர்கள் பலரும் தங்கள் வாழ்த்துக்களை தெரிவித்தார்கள். இந்நிலையில் கர்ப்பமாக இருக்கும் செய்தியை சொன்னதிலிருந்து போட்டோ ஷூட் நடத்தி புகைப்படங்களை இணையத்தில் பகிர்ந்து வருகின்றார் நமீதா. இதனால் ரசிகர்கள் கவனமாக இருங்கள் நமீதா என கூறி வருகின்றார்கள்.