தமிழக அரசின் ஓராண்டு சாதனை விளக்க பொதுக்கூட்டம் மானாமதுரையில் நடைபெற்றது. அந்தக் கூட்டத்தில் தமிழக ஊரக வளர்ச்சித்துறை அமைச்சர் பெரியகருப்பன் மற்றும் மானாமதுரை எம்எல்ஏ தமிழரசி ஆகியோர் கலந்து கொண்டனர். அவர்கள் தமிழக அரசின் ஓராண்டு சாதனைகளை பற்றி பேசினர். அதன் பிறகு பேசிய அமைச்சர் பெரியகருப்பன், ஓராண்டு காலத்தில் நமது மாநிலம் முழுமையான வளர்ச்சியை எட்டி விடுவது சிரமம் தான். கடந்த ஆட்சியில் செய்து வைத்துள்ள குளறுபடி, சேதாரங்களை எல்லாம் சரி செய்து நிர்வாகத்தை சீர்படுத்த அதற்கு 6 மாத காலம் ஆகியது. நிர்வாக எந்திரம் இப்பொழுது முறைப்படுத்தப்பட்டு உள்ளது.
கடந்த ஓராண்டு காலத்தில் டாப் கியருக்கு வந்துள்ளோம். இனி தமிழகம் மின்னல் வேகத்தில் வளர்ச்சி பாதையை எட்டும். அதற்கான உழைப்பை முதல்வர் ஸ்டாலின் தந்துள்ளார். தமிழகத்தில் இனி வரும் காலங்களில் கலைஞர் கருணாநிதி போல அண்ணாவை போல தமிழக மக்களுக்காக திமுக எப்படி பாடுபட்டதோ, அதனைப் போலவே நானும் உழைப்பேன் உழைப்பேன் என்று முதல்வர் ஸ்டாலின் சபதம் எடுத்துள்ளார். இதனை தமிழக மக்கள் இனி வரும் நாட்களில் உணர்வார்கள் என்று அமைச்சர் கூறியுள்ளார்.