சட்டவிரோதமாக சந்தன மரக்கட்டை பதுக்கி வைத்திருந்த 2 பேரை காவல்துறையினர் கைது செய்துள்ளனர்.
திண்டுக்கல் மாவட்டத்தில் உள்ள எஸ். கே. நகரில் அமைந்துள்ள ஒரு தோட்டத்தில் சட்டவிரோதமாக சந்தன மரக்கட்டைகள் பதுக்கி வைத்திருப்பதாக வனத்துறையினருக்கு ரகசிய தகவல் கிடைத்துள்ளது. அந்த தகவலின் படி சம்பவ இடத்திற்கு விரைந்து சென்ற வனத்துறையினர் அப்பகுதியில் சோதனை செய்தனர். அந்த சோதனையில் சட்டவிரோதமாக தோட்டத்து அறையில் சந்தன மரக்கட்டைகள் பதுக்கி வைத்திருப்பது தெரியவந்துள்ளது.
இதனையடுத்து வனத்துறையினர் சட்டவிரோதமாக சந்தன மரக்கட்டை பதுக்கி வைத்திருந்த ராஜா, பாண்டி ஆகிய 2 பேரை கைது செய்துள்ளனர். மேலும் இது குறித்து வழக்கு பதிவு செய்த காவல்துறையினர் 5 கிலோ சந்தனமரக்கட்டையை பறிமுதல் செய்து தீவிர விசாரணை மேற்கொண்டு வருகின்றனர்.