தமிழக முதல்வர் மு.க ஸ்டாலின் மேட்டூர் அணையை திறந்து வைப்பதற்கு வரும் 24ஆம் தேதி சேலம் வருகிறார்.
சேலம் மாவட்டம் ஆத்தூரில் தமிழக அரசின் ஓராண்டு சாதனை விளக்க பொதுக்கூட்டம் நடைபெற உள்ளது. இந்த கூட்டத்தில் தமிழக முதல்வர் மு க ஸ்டாலின் பங்கேற்க உள்ளார். தமிழக அரசின் சாதனை விளக்க கூட்டம் 24ஆம் தேதி நடைபெற உள்ள நிலையில் 23ஆம் தேதி தனி விமானம் மூலம் சேலம் வந்து ஓமலூரில் இருந்து மேட்டூர் செல்ல திட்டமிடப்பட்டுள்ளது. அன்று இரவு மேட்டூரில் தங்கி ஓய்வெடுத்த பின்னர் 24ஆம் தேதி காலையில் முதலமைச்சர் காவிரி டெல்டா பாசன விவசாயிகளுக்கு மேட்டூர் அணையை திறந்து வைக்கிறார்.
அதன் பிறகு 10 மணிக்கு சாலை வழியாக அவரது கார் மூலம் மேட்டூர் மேச்சேரி புறவழி சாலை வழியாக ஆத்தூர் செல்ல உள்ளார். அங்கு தமிழக அரசின் சாதனை விளக்க பொதுக்கூட்டத்தில் பங்கேற்க உள்ளதாக திமுக பொறுப்பாளர்கள் தெரிவித்துள்ளனர். தமிழக முதல்வரின் வருகையை முன்னிட்டு பிரம்மாண்ட வரவேற்பு நிகழ்ச்சி நடத்த திட்டமிடப்பட்டுள்ளது. தமிழக அரசின் ஓராண்டு சாதனையின் மாபெரும் பொதுக் கூட்டத்திற்கு பொதுமக்களும், கழகத் தோழர்களும் சுமார் ஒரு லட்சம் பேராவது பங்கேற்பார்கள் என எதிர்பார்க்கப்படுகிறது .