கடந்த சில நாட்களாக உச்சம் தொட்டு வந்த தக்காளியின் விலை தற்போது சற்று குறைந்து இருக்கின்றது. இது இல்லத்தரசிகள் இடையே மகிழ்ச்சியை ஏற்படுத்தியுள்ளது.
கடந்த சில நாட்களாக தக்காளி விலை தாறுமாறாக உயர்ந்து இருந்தது. கோடை மழை காரணமாக பல பகுதிகளில் தக்காளி விளைச்சல் பாதிக்கப்பட்டதால், சென்னைக்கு வரக்கூடிய தக்காளியின் வரத்து குறைந்ததன் காரணமாக சென்னை கோயம்பேட்டில் ஒரு கிலோ தக்காளி 110 வரை விற்பனையாகி வந்தது. இந்நிலையில் இன்று சென்னைக்கு வரக்கூடிய தக்காளி வரத்து அதிகரித்ததன் காரணமாக கோயம்பேடு காய்கறி சந்தையில் நேற்று 90 வரை விற்பனையாகி வந்த தக்காளி விலை இன்று கிலோவுக்கு 35 ரூபாய் குறைந்து ஒரு கிலோ தக்காளி 55 முதல் 60 வரை விற்பனையாகி வருகின்றது.
சென்னையில் பிற இடங்களில் சில்லறை விற்பனை நிலையங்களில் ஒரு கிலோ தக்காளி 60 முதல் 65 வரை விற்பனையாகி வருகின்றது. தக்காளி மட்டுமல்லாமல் காய்கறிகளின் விலையும் 5 முதல் 10 வரை குறைந்திருப்பதாக காய்கறி வியாபாரிகள் தெரிவித்துள்ளனர்.