மோட்டார் சைக்கிள்கள் மோதி கொண்ட விபத்தில் 4 பேர் படுகாயமடைந்த சம்பவம் பரபரப்பை ஏற்படுத்தியுள்ளது.
புதுக்கோட்டை மாவட்டத்தில் உள்ள அவ்வையார்பட்டியில் விவசாயியான அழகர்(60) என்பவர் வசித்து வருகிறார். இவர் தனது உறவினரான ராமன்(27) என்பவருடன் மோட்டார் சைக்கிளில் விராலிமலை சென்றுவிட்டு மீண்டும் வீட்டிற்கு வந்து கொண்டிருந்தார். இந்நிலையில் விராலிமலை-கீரனூர் சாலையில் சென்று கொண்டிருந்தபோது மோட்டார் சைக்கிளை ஓரமாக நிறுத்திவிட்டு அழகர் செல்போன் பேசிக் கொண்டிருந்தார். அதே சமயம் ராஜா(26) என்பவர் தனது சித்தி மகனான முருகேசன்(15) என்பவரை பின்னால் அமர வைத்து மோட்டார் சைக்கிளில் வந்துள்ளார்.
அப்போது எதிர்பாராதவிதமாக ராஜாவின் மோட்டார் சைக்கிள் அழகரின் மோட்டார் சைக்கிள் மீது பயங்கரமாக மோதியது. இந்த விபத்தில் படுகாயமடைந்த 4 பேரையும் அருகில் உள்ளவர்கள் மீட்டு மருத்துவமனையில் சிகிச்சைக்காக அனுமதித்துள்ளனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது. இதுகுறித்து வழக்குப்பதிவு செய்த காவல்துறையினர் விசாரணை நடத்தி வருகின்றனர்.