ஹைதராபாத்திலிருந்து தனி விமானம் மூலமாக பிரதமர் நரேந்திர மோடி சென்னை வந்தடைந்தார். அவரை அமைச்சர் துரைமுருகன், கே என் நேரு, பொன்முடி, ஆளுநர் ரவி உள்ளிட்டோர் வரவேற்றனர். திமுக ஆட்சி பொறுப்பேற்ற பிறகு முதன் முறையாக தமிழகம் வரும் பிரதமர் மோடியை ஐஎன்எஸ் கடற்படை தளத்தில் முதல்வர் முக ஸ்டாலின் வரவேற்றார்.
இந்நிலையில்நேரு உள்விளையாட்டு அரங்கத்தில் நடைபெறும் இந்த அரசு விழாவில் முதலமைச்சர் மு க ஸ்டாலின் ஆளுநர் ரவி, மத்திய இணை அமைச்சர் வேல்முருகன் தமிழக அமைச்சர்கள் பங்கேற்றனர். விழா தொடங்கிய உடனே தமிழ் தாய் வாழ்த்து பாடப்பட்டது. இதை தலைவணங்கி ஏற்றுக்கொண்ட பிரதமர் மோடி எழுந்து நின்று மரியாதை செலுத்தினார்.
இந்நிலையில் பிரதமர் நரேந்திர மோடி ஒவ்வொரு வீட்டிற்கும் குடிநீர் இணைப்பு என்பதை இலக்காகக் கொண்டு செயல்படுவதாக தெரிவித்துள்ளார். குழாய் வழி குடிநீர் திட்டத்தை நாம் செயல்படுத்தும்போது பாரபட்சமோ, விடுபட்டு போவதற்கான சாத்தியக்கூறுகள் இருக்காது எனவும் அவர் தெளிவுபடுத்தினார். கட்டமைப்பின் மீது கவனம் செலுத்தும்போது இந்தியாவில் இளைஞர்கள் தான் அதிகம் பயன் பெறுவார்கள். இளைஞர்களின் எதிர்பார்ப்பை நிறைவேற்ற இது உதவும் என்றார்.