உள்ளிக்கடை கிராமத்தில் டிரோன் மூலம் விதை நெல் தெளிக்கப்பட்டதால் விவசாயிகள் சாகுபடி செலவு குறையும் என கருத்துக் கூறியுள்ளனர்.
தஞ்சாவூர் மாவட்டத்திலுள்ள அய்யம்பேட்டை அருகே உள்ள உள்ளிக்கடை கிராமத்தில் விதைநெல் டிரோன் மூலம் தெளிக்கப்பட்டது. நெல் சாகுபடி செய்ய ஒரு ஏக்கருக்கு 30 ஆயிரம் செலவாகின்றது. சாகுபடி செலவை குறைக்கும் வகையில் உள்ளிக்கடை கிராமத்தில் ஒரு வயலில் டிரோன் மூலம் விதை நெல் தெளிக்கப்பட்டது.
இந்த டிரோன் பேட்டரிகளைக் கொண்டு ரிமோட் மூலம் இயக்கப்படுகிறது. வயலில் தெளிப்பதற்கு ஒரு டேங்கில் 7 கிலோ விதை நிரப்பப்பட்டு தெளிக்கப்படுகின்றது. ஒரு ஏக்கருக்கு நெல் விதைக்கப்பட 2 டேங்குகள் தேவைப்படுகிறது. டிரோன் மூலம் உள்ளிக்கடை கிராமத்தில் 4 ஏக்கரில் விதை நெல் தெளிக்கப்பட்டது.