தமிழகத்தில் 1 முதல் 9 ஆம் வகுப்பு வரை ஆண்டு இறுதித்தேர்வு முடிந்து மே 14-ஆம் தேதி முதல் கோடை விடுமுறை அளிக்கப்பட்டுள்ளது. தற்போது மற்ற வகுப்பு மாணவர்களுக்கும் விரைவில் பொதுத்தேர்வு முடிய உள்ள நிலையில் அடுத்த கல்வியாண்டில் பள்ளிகள் எப்போது திறக்கப்படும் என்பது குறித்த அறிவிப்பை பள்ளிக்கல்வித்துறை அமைச்சர் அன்பில் மகேஷ் பொய்யாமொழி வெளியிட்டுள்ளார்.
அதன்படி தமிழகத்தில் ஜூன் 13ஆம் தேதி பள்ளிகள் திறக்கப்படும் என அறிவிப்பு வெளியாகியுள்ளது. 1 முதல் 10 ஆம் வகுப்பு மாணவர்களுக்கு ஜூன் 13ஆம் தேதி பள்ளிகள் திறக்கப்படும். 11ஆம் வகுப்பு மாணவர்களுக்கு ஜூன் 27ஆம் தேதியும், 12 ஆம் வகுப்பு மாணவர்களுக்கு ஜூன் 20ஆம் தேதியும் பள்ளிகள் திறக்கப்படும் என புதிய அறிவிப்பு வெளியாகியுள்ளது.இதையடுத்து 2022-2023 ஆம் கல்வியாண்டில் அனைத்து சனிக்கிழமையும் பள்ளிகளுக்கு விடுமுறை என அமைச்சர் அன்பில் மகேஷ் தெரிவித்துள்ளார்.
இந்நிலையில் ஆசிரியர் சங்கங்களுடன் ஜூன் இரண்டாம் தேதி பள்ளி கல்வித்துறை ஆலோசனை நடத்துகிறது. பள்ளிகள் திறக்கப்பட உள்ள நிலையில் மேற்கொள்ளப்பட வேண்டிய முன்னேற்பாடுகள், ஆசிரியர்களுக்கான பயிற்சி, EMIS பணிப்பளு, விடுமுறை,மாணவர்களுக்கு சொல்லிக் கொடுக்கும் முறை உள்ளிட்ட விவரங்கள் தொடர்பாக ஆலோசனை செய்ய 20 ஆசிரியர் சங்கங்களுக்கு பள்ளிக்கல்வித்துறை அழைப்பு விடுத்துள்ளது.