தமிழகத்தில் சென்னை குரோம்பேட்டையில் உள்ள போக்குவரத்து கழக பணிமனையில் கடந்த 12ஆம் தேதி போக்குவரத்து ஊழியர்களுக்கான ஊதிய உயர்வு ஒப்பந்தம் குறித்த பேச்சுவார்த்தை நடைபெற்றது. அதன் பிறகு செய்தியாளர்களை சந்தித்து பேசி அமைச்சர் எஸ் எஸ் சிவசங்கர், தொழிற்சங்கங்கள் முன்வைத்த பல கோரிக்கைகளை அரசு ஏற்றுக்கொண்டது. கொரோனா காலத்தில் பணியாற்றியவர்களுக்கு 300 ரூபாய் பேட்டா வழங்கப்படும்.
இந்த பணியாளர்களுக்கு வழங்கப்படுகின்ற 15 விதமான படிகளை உயர்த்துவதற்கு அரசு ஒப்புதல் அளித்துள்ளது. போக்குவரத்து ஊழியர்களுக்கு இடைக்கால நிவாரணம் ஆயிரம் ரூபாய் வழங்கப்படும். மேலும் ஓய்வுபெற்ற போக்குவரத்து தொழிலாளர்கள் அனைவருக்கும் மருத்துவ காப்பீடு வழங்க ஏற்பாடு செய்யப்பட்டுள்ளது என்று அமைச்சர் தெரிவித்துள்ளார். இந்த அறிவிப்பு போக்குவரத்து ஊழியர்கள் மத்தியில் பெரும் மகிழ்ச்சியை ஏற்படுத்தியுள்ளது.