மின்சாரம் தாக்கி மாணவன் உயிரிழந்த சம்பவம் சோகத்தை ஏற்படுத்தியுள்ளது.
திருப்பத்தூர் மாவட்டத்தில் உள்ள ஜாப்ராபாத் பகுதியில் அமானுல்லா என்பவர் வசித்து வருகிறார். இவருக்கு சுஹேப் என்ற மகன் இருந்துள்ளார். இவர் அப்பகுதியில் உள்ள பள்ளியில் 5-ம் வகுப்பு படித்து வந்துள்ளார். இந்நிலையில் வீட்டிலிருந்து வெளியே விளையாட சென்ற சுஹேப் நீண்ட நேரமாகியும் வீட்டுக்கு வரவில்லை. இதனால் சுஹேப்பின் குடும்பத்தினர் மற்றும் உறவினர்கள் அவரை பல்வேறு இடங்களில் தேடி பார்த்தனர். அப்போது புதிதாக கட்டி வரும் கட்டிடத்தின் மேல் பகுதிக்கு சென்று பார்த்தபோது அங்கு சுஹேப் விழுந்து கிடந்தது தெரியவந்துள்ளது.
இந்நிலையில் சுஹேப் மேல் தளத்தில் விளையாட சென்ற போது மின்சாரம் தாக்கி தூக்கி வீசப்பட்டது தெரியவந்துள்ளது. இதனை பார்த்த பெற்றோர் சுஹேப்பை உடனடியாக மீட்டு வாணியம்பாடி அரசு மருத்துவமனைக்கு சிகிச்சைக்காக கொண்டு சென்றனர். அங்கு சுஹேப்பை பரிசோதனை செய்த மருத்துவர்கள் அவர் ஏற்கனவே இறந்துவிட்டதாக தெரிவித்துள்ளனர். மேலும் இது குறித்து வழக்கு பதிவு செய்த வாணியம்பாடி காவல்துறையினர் விசாரணை மேற்கொண்டு வருகின்றனர்.