அருண் விஜய்யின் 33வது திரைப்படம் “யானை” ஆகும். ஹரி இயக்கிவரும் இந்த படத்தில் அருண் விஜய்க்கு ஜோடியாக பிரியா பவானி சங்கர் நடிக்கிறார். அத்துடன் நகைச்சுவை வேடத்தில் யோகிபாபு நடிக்க, பிரகாஷ் ராஜ், ராதிகா, தலைவாசல் விஜய், குக்வித் கோமாளி புகழ், அம்மு அபிராமி போன்றோர் முக்கிய கதாபாத்திரங்களில் நடிக்கின்றனர். ஜிவி பிரகாஷ் இசை அமைக்கும் இந்த படத்திற்கு கோபிநாத் ஒளிப்பதிவு செய்கிறார். கிராமத்து பின்னணியில் தயாராகிவரும் இத்திரைபடத்தின் படப்பிடிப்பு தூத்துக்குடி, பழனி, ராமேஸ்வரம் போன்ற இடங்களில் நடந்துள்ளது.
அண்மையில் இந்த படத்தின் டீசர் மற்றும் சிங்கிள் வெளியாகி ரசிகர்களை கவர்ந்தது. இத்திரைபடம் வரும் ஜூன் 17 ஆம் தேதி திரை அரங்குகளில் வெளியாக இருக்கிறது. இந்த நிலையில் “யானை” திரைப்படத்தின் டிரைலர் மற்றும் ரிலீஸ் தேதியை அருண்விஜய் அறிவித்துள்ளார். அந்த வகையில் இன்று 30 ஆம் தேதி மாலை 6 மணிக்கு யானை திரைப்படத்தின் டிரைலர் வெளியிடப்படும் என அதிகாரப்பூர்வமாக அறிவிக்கப்பட்டுள்ளது.
