மது அருந்திவிட்டு வாகனம் ஓட்டி வந்த சபாநாயகரின் கணவர்… கைது செய்த காவல்துறையினர்…!!!

அமெரிக்காவின் நாடாளுமன்ற சபாநாயகரின் கணவரான பால் பொலோசி, மது அருந்திவிட்டு வாகனம் ஓட்டியதால் கைதாகியிருக்கிறார்.

அமெரிக்காவின் நாடாளுமன்றத்தினுடைய சபாநாயகராக இருக்கும் நான்சி பொலோசி என்பவரின் கணவரான பால் பொலோசி, நேற்று முன்தினம் மது அருந்திவிட்டு வாகனம் ஓட்டிச் சென்றிருக்கிறார். அந்த சமயத்தில் கலிபோர்னியா மாகாணத்தில் காவல்துறையினர் சோதனை பணியை மேற்கொண்டிருந்தனர். அப்போது அவரின் வாகனம் வேகமாக வந்ததால் காவல்துறையினரை வழிமறித்தனர்.

அதன்பின்பு, சபாநாயகரின் கணவர் தான் வாகனத்திற்குள் இருக்கிறார் என்பதை  காவல்துறையினர் தெரிந்து கொண்டனர். அவர் அதிகமாக மது அருந்திவிட்டு வாகனத்தை ஓட்டி வந்ததால் அவரை கைது செய்து காவல்நிலையத்தில் இருக்கும் சிறையில் அடைத்தனர். இரவு முழுக்க அவரை காவல் நிலையத்தில் வைத்துள்ளனர். அதனைத்தொடர்ந்து, நீதிமன்றத்தில் அவர் 5000 டாலர்கள் செலுத்தியிருக்கிறார். அதன்பிறகு, அவர் ஜாமீனில் வெளிவந்திருக்கிறார்.