விஷம் குடித்து சிறுமி தற்கொலை செய்து கொண்ட சம்பவம் சோகத்தை ஏற்படுத்தியுள்ளது.
திருநெல்வேலி மாவட்டத்திலுள்ள நடுவக்குறிச்சி பகுதியில் விநாயகம் என்பவர் வசித்து வருகிறார். இவருக்கு சீதா என்ற மகள் இருந்துள்ளார். கடந்த சில நாட்களாக சீதா தீராத வயிற்று வலியால் அவதிப்பட்டு வந்துள்ளார். இதில் மனமுடைந்து காணப்பட்ட சீதா திடீரென வீட்டில் விஷம் குடித்து மயங்கி கிடந்துள்ளார்.
இதனைப் பார்த்த சீதாவின் உறவினர்கள் அவரை உடனடியாக மீட்டு பாளையங்கோட்டை ஐகிரவுண்டு அரசு மருத்துவமனைக்கு சிகிச்சைக்காக அனுப்பி வைத்தனர். அங்கு அளிக்கப்பட்ட சிகிச்சை பலனின்றி சீதா பரிதாபமாக உயிரிழந்தார். மேலும் இது குறித்து வழக்கு பதிவு செய்த பாளையங்கோட்டை தாலுகா காவல்துறையினர் விசாரணை மேற்கொண்டு வருகின்றனர்.