லாரி மீது வேன் மோதிய விபத்தில் சுற்றுலா பயணிகள் அதிர்ஷ்டவசமாக உயிர் தப்பினர்.
திருவண்ணாமலையில் இருந்து 5 குழந்தைகள் உட்பட 20 பேர் சுற்றுலாவை நீலகிரி மாவட்டத்திலுள்ள ஊட்டிக்கு சென்றுள்ளனர். அவர்கள் சுற்றுலா தலங்களை பார்த்துவிட்டு இரவு 10 மணிக்கு மேட்டுப்பாளையம் நோக்கி சென்றனர். இந்நிலையில் தட்டபள்ளம் அருகே சென்று கொண்டிருந்த போது கட்டுப்பாட்டை இழந்த வேன் முன்னால் சென்ற லாரி மீது மோதி விபத்துக்குள்ளானது.
இந்த விபத்தில் சுற்றுலா பயணிகள் அதிர்ஷ்டவசமாக உயிர் தப்பினர். மேலும் வேனின் கண்ணாடி உடைந்தது. இதுகுறித்து தகவலறிந்த காவல்துறையினர் சம்பவ இடத்திற்கு விரைந்து சென்று விபத்துக்குள்ளான வாகனங்களை அப்புறப்படுத்தி போக்குவரத்தை சரி செய்தனர். இதனால் அப்பகுதியில் சிறிது நேரம் பரபரப்பு ஏற்பட்டுள்ளது.