சிறுமியை கடத்தி சென்று பாலியல் தொந்தரவு அளித்த சிறுவனை காவல்துறையினர் போக்சோ சட்டத்தின் கீழ் கைது செய்தனர்.
நாமக்கல் மாவட்டத்தில் உள்ள ஒரு கிராமத்தில் 17 வயது சிறுமி வசித்து வருகிறார். கடந்த 25-ஆம் தேதி வீட்டை விட்டு வெளியே சென்ற சிறுமி நீண்ட நேரமாகியும் வீட்டிற்கு திரும்பி வரவில்லை. இதனால் அதிர்ச்சியடைந்த சிறுமியின் பெற்றோர் தங்களது மகளை அனைத்து இடங்களிலும் தேடி அலைந்தனர். ஆனாலும் அவர் கிடைக்காததால் சிறுமியின் பெற்றோர் ஜேடர்பாளையம் காவல் நிலையத்தில் புகார் அளித்தனர்.
அந்த புகாரின் பேரில் வழக்கு பதிவு செய்த காவல்துறையினர் நடத்திய விசாரணையில் ஈரோடு மாவட்டத்தை சேர்ந்த 17 வயது சிறுவன் ஆசை வார்த்தைகள் கூறி சிறுமியை கடத்தி சென்று பாலியல் தொந்தரவு அளித்தது தெரியவந்துள்ளது. அதன் பின் காவல்துறையினர் சிறுமியை மீட்டனர். இதுகுறித்து வழக்குப்பதிவு செய்த காவல்துறையினர் போக்சோ சட்டத்தின் கீழ் சிறுவனை கைது செய்து விசாரணை மேற்கொண்டு வருகின்றனர்.