பல்லடம் அருகே வேன் மீது அடுத்தடுத்து கார்கள் மோதியதில் 6 பேருக்கு காயம் ஏற்பட்டது.
பல்லடத்தில் இருந்து கோவை நோக்கி வந்து கொண்டிருந்த சரக்கு வேன் காளிவேலம்பட்டி பிரிவில் சென்று கொண்டிருந்த பொழுது பின்னால் வந்த கார் வேனை முந்திச் செல்ல முயன்ற போது கார் வேணும் ஒன்றோடு ஒன்று உரசி விபத்துக்குள்ளானது. இதில் கார் பள்ளத்தில் விழுந்தது. முன்னால் சென்று கொண்டிருந்த லாரி மீது வேன் மோதி விபத்து ஏற்பட்டது.
வேன் பின்னால் வந்து கொண்டிருந்த கார்கள் அடுத்தடுத்து வேன் மீது மோதி விபத்துக்குள்ளானது. இதில் முத்தையா, 3 வயது சிறுமி உள்ளிட்ட ஆறு பேருக்கு லேசான காயம் ஏற்பட்டது. இதுகுறித்து பல்லடம் போலீஸார் விசாரித்து வருகின்றனர். இந்த விபத்தால் கோவை- திருச்சி தேசிய நெடுஞ்சாலையில் சிறிதுநேரம் போக்குவரத்து பாதிப்புக்குள்ளானது.