“மருத்துவர்களுக்காக நடைபெற்ற விளையாட்டு போட்டி”…. நூற்றுக்கும் மேற்பட்டோர் கலந்து கொண்டனர்….!!!!!

மருத்துவர்களுக்காக நடைபெற்ற விளையாட்டு போட்டியில் நூற்றுக்கும் மேற்பட்ட மருத்துவர்கள் கலந்து கொண்டு விளையாடினார்கள்.

திருச்சி மாவட்டத்திலுள்ள கல்லக்குடி ரயில்வே விளையாட்டு மைதானத்தில் இந்திய மருத்துவ மன்றம் சார்பாக டாக்டர்களுக்கான விளையாட்டு போட்டி நேற்று நடந்தது. இதில் டாக்டர் களுக்காக ஓட்டப்பந்தயம், நடைபோட்டி, இறகுபந்து, த்ரோபால், குண்டெறிதல், கிரிக்கெட், மெதுவாக சைக்கிள் ஓட்டுதல், நீளம் தாண்டுதல் ஆகிய 15 வகையான போட்டிகள் நடத்தப்பட்டது.

100 க்கும் மேற்பட்ட மருத்துவர்கள் இதில் கலந்து கொண்டு விளையாடினார்கள். மேலும் வெற்றி பெற்ற மருத்துவர்களுக்கு இந்திய மருத்துவ மன்ற மாவட்ட செயலாளர் தமிழ்ச்செல்வி மற்றும் மாவட்ட தலைவர் மோகன் உள்ளிட்டோர் பரிசுகளை வழங்கினார்கள்.