கர்நாடகத்தில் இருந்து மாநிலங்களவை தேர்தலில் பாஜக சார்பில் மத்திய நிதி அமைச்சர் நிர்மலா சீதாராமன் போட்டியிடுகிறார். இவர் தனது வேட்பு மனுவை நேற்று தாக்கல் செய்தார். அதில் நிர்மலா சீதாராமன் தனது சொத்து விவரங்களை தாக்கல் செய்துள்ளார். மேலும் வருமான வரி தாக்கல் செய்த விவரங்களை அதில் தெரிவித்துள்ளார். அவரின் மொத்த அசையும் சொத்துகளாக ரூபாய் 63 லட்சத்து 39 ஆயிரத்து 196 உள்ளது.
தெலுங்கானா மாநிலம் ரங்கா ரெட்டி மாவட்டம்குன்ட்லூர் கிராமத்தில் 4,806 சதுர அடி நிலம் உள்ளது. அதன் இன்றைய மதிப்பு ரூ.17 லட்சத்து 8 ஆயிரத்து 800 ஆகும். அவரின் மொத்த சொத்து மதிப்பு ரூ.1 கோடியே 87 லட்சத்து 60 ஆயிரத்து 200 அசையா சொத்துகள் உள்ளன. ரூ.30 லட்சத்து 44 ஆயிரத்து 838 அளவுக்கு கடன் உள்ளது. அவரின் அசையும், அசையா சொத்துகள், டெபாசிட் ஆகியவற்றின் மொத்த மதிப்பு ரூ.2 கோடியே 79 லட்சத்து 35 ஆயிரத்து 75 ஆகும்.