பேருந்தில் இருந்து தவறி விழுந்து பெண் உயிரிழந்த சம்பவம் சோகத்தை ஏற்படுத்தியுள்ளது.
கோயமுத்தூர் மாவட்டத்தில் உள்ள குமரன் நகர் பகுதியில் சக்திவேல் என்பவர் வசித்து வருகிறார். இவருக்கு அழகு கலை நிபுணரான சிவசக்தி என்ற மனைவி இருந்துள்ளார். இந்நிலையில் சிவசக்தி ஈரோட்டில் நடைபெற்ற ஒரு திருமண நிகழ்ச்சிக்கு பல்லடம் சாலையில் பேருந்தில் சென்று கொண்டிருந்தார். இதனையடுத்து சிவசக்தி தான் அமர்ந்து இருந்த இருக்கையில் இருந்து எழுந்து பேருந்தில் நடக்க முயன்றுள்ளார். அப்போது திடீரென நிலைதடுமாறி படிக்கட்டு வழியாக கீழே விழுந்து விட்டார்.
இந்த விபத்தில் படுகாயமடைந்த சிவசக்தி சம்பவ இடத்திலேயே பரிதாபமாக உயிரிழந்து விட்டார். இதனை பார்த்து அதிர்ச்சி அடைந்த பயணிகள் பேருந்தில் கதவு இருந்தும் பூட்டாமல் இருந்தததால் தான் சிவசக்தி இறந்ததாக கூறி பேருந்து ஓட்டுநரிடம் வாக்குவாதத்தில் ஈடுபட்டனர். மேலும் இதுகுறித்து சக்திவேல் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.